Kina prezanton baterinë bërthamore që zgjat 50 vjet pa u mbushur

Teknologji | 04.06.2025 Ora 7:34

Në janar të vitit 2024, kompania kineze Betavolt prezantoi një zhvillim që mund të revolucionarizojë mënyrën se si i përdorim pajisjet elektronike: një bateri bërthamore miniaturë, e quajtur BV100, që funksionon me izotopin nikel-63 dhe mund të zgjasë deri në 50 vjet pa pasur nevojë për rikarikim.

Kjo teknologji, që më parë shihej si e pamundur për pajisjet e vogla, tashmë është futur në prodhim dhe ka potencial për aplikime të gjera – nga pajisjet mjekësore, sondat hapësinore, e deri tek elektronika për përdorim të përditshëm.

BV100 nuk është thjesht një prototip laboratorik, por një hap i konkret drejt një të ardhmeje ku pajisjet tona mund të punojnë për dekada të tëra pa mirëmbajtje. Kina, për momentin, duket se po udhëheq garën globale për këtë lloj energjie të qëndrueshme dhe afatgjatë.