Sipas Entit Shtetëror të Statistikës, në tremujorin e parë të vitit 2025 janë regjistruar 3 526 lindje të gjalla, një ulje prej 2,9 për qind krahasuar me të njëjtën periudhë të vitit 2024. Në të njëjtën kohë, numri i vdekjeve ka shënuar rritje prej 3,8 për qind, duke arritur në 5 398 persona, ndër të cilët 15 janë foshnje të vdekura.

Si pasojë, shtimi natyror është negativ, me një diferencë prej -1 872 persona – që tregon se vdekjet kanë tejkaluar ndjeshëm lindjet.

Nga të dhënat e tremujorit të parë, rezulton gjithashtu se janë lidhur 1 846 martesa, një rënie e ndjeshme prej 25,8 për qind krahasuar me të njëjtën periudhë të vitit të kaluar. Ndërsa numri i divorceve ka pësuar gjithashtu një ulje, duke u regjistruar 465 raste – ose 22,1 për qind më pak se një vit më parë.

Këto të dhëna reflektojnë tendencat demografike të vendit, duke nxjerrë në pah sfidat e vazhdueshme që lidhen me rënien e lindshmërisë, rritjen e vdekshmërisë dhe ndryshimet në jetën familjare.