Një studim i publikuar në revistën PLOS Mental Health sugjeron se ChatGPT mund të jetë terapist më i mirë sesa njerëzit, të paktën në skenarë të kontrolluar të terapive për çifte. Studiuesit përfshinë 830 pjesëmarrës, të cilët iu ndanë në dy grupe: një me terapistë të trajnuar dhe një tjetër me ChatGPT.

 Më pas, ata vlerësuan këshillimin bazuar në ndjeshmërinë emocionale, ndjeshmërinë kulturore, dobishmërinë dhe lidhjen emocionale. ChatGPT mori rezultate më të larta në mënyrë të qëndrueshme, sidomos kur pjesëmarrësit mendonin se këshillat vinin nga një njeri.Përgjigjet më të gjata dhe përshkruese të AI-t u perceptuan si më të pasura në kontekst dhe emocionalisht më të përfshira, krahasuar me përgjigjet më të shkurtra të terapistëve realë.

Megjithatë, ekspertët paralajmërojnë se përdorimi i AI për terapi pa mbikëqyrje profesionale sjell rreziqe, veçanërisht për çrregullime serioze të shëndetit mendor. Pavarësisht kësaj, njerëzit po i drejtohen gjithnjë e më shumë AI-t për mbështetje emocionale.