Ngjarjet kryesore të datës 19 maj 2025

Vendi | 19.05.2025 Ora 7:47

Sot, më 19 maj 2025, në Prishtinë po zhvillohen dy ngjarje të rëndësishme me karakter politik dhe social.

Në ora 10:30 do të mbahet vazhdimi i 18-të i seancës për konstituimin e Kuvendit të Kosovës. Procesi ka tërhequr vëmendje të shtuar për shkak të zgjatjes së tij.

Po ashtu, në ora 11:00, në sheshin “Adem Jashari” është hapur panairi “Fuqizimi – Produkte me histori jete dhe qëndrese”, i organizuar nga Medica Gjakova në kuadër të projektit “Fuqizohu dhe përmirëso jetën tënde”. Ky projekt është financuar nga Fondi i Mirëbesimit i Kombeve të Bashkuara për t’i dhënë fund dhunës ndaj grave dhe synon të promovojë produktet që pasqyrojnë qëndrueshmërinë dhe historinë e grave të fuqizuara në Kosovë.