Trump i ndërpret edhe 450 milionë dollarë Harvard-it

Të Tjera | 14.05.2025 Ora 8:26

Administrata Trump ka ndërprerë edhe 450 milionë dollarë në grante federale për Universitetin e Harvardit, duke e çuar totalin e fondeve të shkurtuara në mbi 2.6 miliardë dollarë. Ky veprim vjen në kuadër të një fushate më të gjerë ideologjike ndaj universiteteve elitare amerikane, për shkak të qëndrimeve të tyre mbi çështje si diversiteti, kontrolli financiar dhe pranimi i studentëve ndërkombëtarë.

Në një deklaratë, Task Forca e Shtëpisë së Bardhë për Luftimin e Anti-Semitizmit e cilësoi kampusin e Harvardit si "vatër të diskriminimit", pa dhënë detaje shtesë për agjencitë që po ndërpresin fondet. Universiteti nuk ka reaguar ende zyrtarisht. Krahas Harvardit, edhe universitete të tjera si Columbia dhe Ohio State janë përballur me humbje të fondeve federale.