Një dokument i deklasifikuar së fundmi nga CIA ka rindezur diskutimet për ekzistencën e UFO-ve, duke sjellë një rrëfim tronditës për një sulm të supozuar alien ndaj një njësie ushtarake sovjetike, i cili raportohet të ketë përfunduar me kthimin e 23 ushtarëve në “shtylla prej guri”.

Raporti, i cili është bërë viral pasi doli në arkivat publike të CIA-s, përmbledh një artikull të publikuar fillimisht nga revista kanadeze Weekly World News dhe më pas nga gazeta ukrainase Holos Ukrayiny.

Sipas dokumentit, ngjarja thuhet të ketë ndodhur diku midis viteve 1989 dhe 1990, gjatë një stërvitjeje ushtarake sovjetike, kur njësia ka qëlluar një objekt fluturues me formë disku që po fluturonte në lartësi të ulët. Ajo që pasoi tingëllon si skenar filmi fantastiko-shkencor: pesë krijesa me pamje humanoide dolën nga rrënojat, u bashkuan në një trup të vetëm dhe lëshuan një dritë verbuese që thuhet se i ktheu shumicën e ushtarëve në “shtylla guri”.

Vetëm dy prej tyre mbijetuan, sipas raportit, pasi ishin të mbrojtur nga shpërthimi.

 “Nëse dosja e KGB-së përputhet me realitetin, kjo është një çështje jashtëzakonisht shqetësuese,” thuhet në dokument nga një zyrtar anonim i CIA-s. Megjithëse historia është shumë spekulative dhe buron nga tabloide, ajo ka zgjuar interesin e entuziastëve të UFO-ve dhe ka shtuar edhe më shumë benzinë në debatin për takimet me jashtëtokësorë dhe fshehtësinë e qeverive.