Kupa e Botës 2026 po afrohet, por zyrtarët e lartë të udhëtimeve në SHBA paralajmërojnë se vendi mund të përballet me sfida serioze në organizimin e këtij eventi madhështor.

Presidenti i Shoqatës së Udhëtimeve të SHBA, Geoff Freeman, dhe CEO i MGM Resorts, William Hornbuckle, kanë shprehur shqetësimet e tyre për kapacitetin e sistemit amerikan për të përballuar fluksin e madh të tifozëve nga jashtë.

Nga vonesat në miratimin e vizave, pritjet e gjata në dogana e deri tek mungesa e stafit dhe teknologjisë së vjetëruar në aeroporte — të gjitha këto mund të shkaktojnë kaos gjatë turneut. Freeman theksoi se nëse nuk veprohet shpejt, rrezikohet që rradhët e gjata të shihen jashtë aeroporteve, duke krijuar imazhe të pakëndshme për kamerat dhe tifozët.

Turneu historik me 48 skuadra nis më 11 qershor 2026 dhe do të zhvillohet në SHBA, Meksikë dhe Kanada. Pritet që miliona vizitorë të mbërrijnë në Amerikë, ndërsa autoritetet premtojnë të përmirësojnë proceset për të shmangur kaosin dhe vonesat.

A do të arrijnë SHBA-të të kapërcejnë këto pengesa dhe të organizojnë një nga Kupat e Botës më të mëdha në histori? Mbetet për t’u parë!