Gjumi i mirë nuk varet vetëm nga rutina e mbrëmjes. Në fakt, zakonet dhe zgjedhjet që bëni gjatë ditës mund të kenë ndikim të madh në mënyrën se si ndiheni në mëngjes. Nëse ndiheni të lodhur pavarësisht përpjekjeve për të përmirësuar gjumin, provoni këto këshilla për të rritur energjinë dhe cilësinë e gjumit:

1. Kujdesuni për nivelin e hekurit
Mungesa e hekurit prek një në tre persona në mbarë botën, duke shkaktuar lodhje dhe probleme me gjumin. Ushqimet si mishi, peshku dhe vezët janë burime të mira të hekurit, ndërsa për ata që preferojnë perimet, kombinimi i tyre me ushqime të pasura me vitaminë C ndihmon në përthithje më të mirë.

2. Ushqehu shëndetshëm
Një dietë e pasur me perime, fruta dhe drithëra integrale ndihmon jo vetëm në shëndetin e përgjithshëm, por edhe në gjumin tuaj. Studimet tregojnë se ata që ndjekin dietën mesdhetare kanë cilësi më të mirë të gjumit.

3. Ushtrimet e moderuara
Aktiviteti fizik i moderuar ndikon pozitivisht në gjumin tuaj, pavarësisht nëse ushtroni në mëngjes apo në mbrëmje. Madje edhe 10 minuta në ditë mund të bëjnë diferencë.

4. Kufizoni alkoolin dhe duhanin
Konsumimi i alkoolit dhe duhanit ndikon negativisht në cilësinë e gjumit, duke ndërprerë fazat e thella të tij dhe duke rritur probabilitetin e zgjimeve të shpeshta gjatë natës.

5. Mos e anashkalo mëngjesin
Një mëngjes i balancuar ndihmon jo vetëm në përqendrim, por edhe në ndjesinë e freskisë. Mbajtja e një rutine të rregullt të vakteve ndikon pozitivisht në energjinë tuaj gjatë gjithë ditës.

Duke ndjekur këto këshilla, jo vetëm që mund të përmirësoni gjumin, por edhe të ndiheni më energjikë dhe të përqendruar./radioplus/