Duket se ndarja e çiftit të famshëm të Hollywood Jennifer Lopez dhe Ben Affleck nuk është aspak miqësore dhe se në marrëdhënien e tyre tashmë nuk ka më vend shprehja ‘do të mbetemi miq’.

Burime pranë çiftit kanë konfirmuar se ata janë në një moment të ashpër në martesën e tyre, gjë që ka bërë që dyshja të mos komunikojnë më drejtpërdrejt me njëri-tjetrin.

Jennifer Lopez dhe Ben Affleck thuhet se nuk po flasin më farë me njëri tjetrin, pasi ata luftojnë për të arritur një marrëveshje për ndarjen e tyre.

Një raport i ri ka zbuluar gjithashtu se Jennifer Lopez mund të ketë shkaktuar ndarjen e tyre duke lançuar markën e saj të pijeve alkoolike, edhe pse Ben Affleck më parë kishte luftuar me abuzimin me alkoolin.

Në muajt e fundit, çifti dikur i dashuruar i cili më parë ka patur një lidhje romantike nga viti 2002 deri në 2004, janë fotografuar pa unazat e martesës dhe tani duket se do të vazhdojnë me divorcin e tyre pasi një përpjekje e fundit për pajtim dështoi. Sipas burimeve raportohet se çifti ka ndërprerë të gjitha lidhjet me njëri-tjetrin.