Shqiptarja me famë botërore, Ava Max, ka postuar një fotografi në llogarinë e saj në rrjetin social Instagram, ku shihet duke gatuar.
Në fotografi duket sikur ajo po gatuan pite ose picë, pasi shihet një tëhollës dhe një enë me miell, ndërkohë që nuk ka shkruar asnjë sqarim se çfarë është duke përgatitur.

Ava, e cila pati treguar se prejardhjen e ka nga Qeparo, ndërkohë që nuk ka qenë asnjëherë në Shqipëri, pati thënë gjithashtu se ka qejf të shkojë sepse është e lidhur me gjyshërit.

Në një intervistë ylli pati sqaruar se nëna e saj, gjyshja e hallat gjithnjë gatuanin ushqime tradicionale shqiptare.

“Dy gjyshet e mija, nëna, hallat e tezet, gatuajnë gjithçka nga ushqimet tradicionale, pite me spinaq, mish qengji e gjithçka që ka yndyrë e djathë”, pati thënë Ava ndërkohë që ka treguar se pitja me spinaq është e preferuara e saj.

Ajo ndër të tjera ka thënë se i duket sikur është rritur duke ngrënë vetëm ushqim tradicional shqiptar.