Ashanti dhe Nelly raportohet se janë të lidhur edhe ligjërisht që prej gjashtë muajsh. 

TMZ ka raportuar të mërkurën se çifti është martuar në mënyrë të fshehtë më 27 dhjetor të vitit 2023, në St. Louis, Mo, që është vendlindja e reperit.

Ashanti, emri i vërtetë i të cilës është Ashanti Shequoiya Douglas dhe Nelly, emri i vërtetë i të cilit është Cornell Iral Haynes Jr., po presin fëmijën e parë së bashku. 

Këngëtarja 43-vjeçare e hitit “Rock Wit U” ka njoftuar në prill se ajo dhe këngëtari i hitit “Hot in Herre”, 49-vjeçar, janë fejuar. 
Ajo e ka konfirmuar edhe shtatzëninë pas muajsh spekulime lidhur me këtë.

“Ky vit i ri i jetës time është një bekim, i mbushur me dashuri, shpresë dhe pritje”, ka thënë ajo për “Essence” atëkohë. 

“Mëmësia është diçka të cilën e kam kërkuar, dhe ndarja e këtij lajmi me familjen time, të fejuarin dhe fansat besnikë, të cilët kanë qenë mbështetës aq të mëdhenj të karrierës sime, është një përvojë e mahnitshme”, kishte shtuar ajo.

Ashanti po ashtu kishte shpërndarë në Instagram një video që tregonte nënën e saj teksa e pyeste nëse ishte e gatshme të dilte në skenë për të performuar.

“Do të më duhen rreth nëntë muaj”, i përgjigjet Ashanti teksa i tregonte nënës testin pozitiv të shtatzënisë. 
Videoja përfundonte me fjalët “Vazhdon...”.

Ashanti – Nelly janë takuar në vitin 2003, gjatë një konference për media të ceremonisë së ndarjes së çmimeve muzikore “Grammy”.

Pasi ishin në lidhje për një dekadë, ata ishin ndarë në vitin 2013, dhe Ashanti atë kohë kishte deklaruar se këngëtari i hitit “Dilema” e kishte “tradhtuar” atë. 

Në prill të vitit 2023 çifti është parë sërish bashkë dhe tashmë lidhja e tyre po shkon hapave më seriozë