Janë bërë publike fragmentet e para nga libri i Britney Spearsit “The Woman in Me” ku dokumentohen vështirësitë që dyshohet se ajo ka përjetuar gjatë marrëveshjes së kujdestarisë dhe abortin që thuhet se kishte gjatë lidhjes me Justin Timberlake.

Në fragmentet që i ka publikuar People, Spears shkroi për abortin: “Për mua shtatzënia nuk ishte tragjedi. E doja Justinin shumë. Gjithmonë prisja të kishim një familje së bashku. Ajo vetëm do të ndodhtë më herët se e prisja por, Justini nuk ishte i lumtur. Ai tha se nuk ishim gati ta kishim një fëmijë në jetët tona, se ishim të rinj... Nuk e di nëse ishte vendimi i duhur. Nëse do më lihej mua, nuk do ta bëja kurrë. Por, Justini ishte i sigurt se nuk donte të bëhej baba”.

Çifti ishte bashkë mes viteve 1999-2002 kur të dy ishin në të 20-at. Timberlake nuk ka komentuar ende për këto.