Revista prestigjioze “People” la lavdëruar dukjen e Rita Orës gjatë një paraqitjeje televizive në New York.

Ylli botëror nga Kosova, Rita Ora, u paraqit në shfaqjen televizive “Whatch What Happens Live” me yllin Andy Cohen në New York.
32-vjeçarja në këtë paraqitje televizive kishte veshur një fustan me mangë të gjata të zi të shkurtër me pika të bardha dhe e kishte kombinuar me një palë çizme të bardha me pika të zeza.

Revista prestigjioze “People”, e cila vazhdimisht shkruan për të famshmit e Hollywoodit, po e cilëson dukjen e Ritës si shumë mirë të kombinuar.

Për të “dekoruar” veshjen Rita vendosi vath të mëdhenj, syze dielli të mëdha si dhe shumë unaza të argjendta.
Ylli nga Kosova kishte kompletuar veshjen duke i mbajtur flokët e valëzuar e një shkëlqyes buzësh me ngjyrë neutrale, duke arritur një dukje natyrale tipike të saj.

Rita ka publikuar në Instagramin e saj disa fotografi nga kjo ngjarje duke shfaqur linjat e saj dhe stilin që po vlerësohet nga mediat ndërkombëtare.