Kori Siparantum po vazhdon të shënojë sukses të madh në gara të ndryshme botërore, ku edhe në pjesëmarrjen e fundit në Republikën e Koresë ku po mbahen World Choir Games, janë shpërblyer me dy medalje të arta.

Për këtë sukses të radhës kanë njoftuar nga faqja zyrtare e këtij kori, dhe postimin e plotë të këtij kori e gjeni më poshtë.

Miq të dashur,

Ju njoftojmë se Kori Siparantum sot fitoi dy medale të arta në World Choir Games në Republikën e Koresë. Në kategoritë “Mixed Choir” dhe “Musica Contemporanea”, ne shfaqëm performancë të jashtëzakonshme dhe u vlerësuam me medale të merituara.

Ky sukses tregon potencialin tonë të madh dhe përkushtimin e anëtarëve të korit. Jemi tejet të lumtur për këtë sukses, dhe krenarë që përfaqësuam Kosovën në këtë garë prestigjioze.