Për tre ditë radhazi, në fund të muajit korrik, do të mbahet edicioni i gjashtë ‘MIK Festival 2023’ në qytetin e Korçës.

Hapja e festivalit do të bëhet më datën 28 korrik, në teatrin ‘Andon Zako Çajupi’, e cila mbahet si homazh për Jorgjija Truja, e lindur në Korçë, më 1909, ku në mesin e të ftuarve do të jenë Ramona Tullumani, Dorina Selimaj, Ingrid Pulizo.

Po në këtë datë në ora 21:00, ‘Te Pazari i Vjetër’ në skenën e madhe do të ketë interpretim: ‘Konerti Aroma Greke’, kushtuar krijimtarisë së Mikis Theodorakis. Në këtë ngjarje të ftuar do të jenë këngëtarja greke Kalliopi Vetta dhe kompozitori grek Janis Ioannou me orkestër nga Athina.

Nata e dytë e festivalit, do të mbahet më 29 korrik në ora 19:00 në teatrin ‘Andon Zako Çajupi’, nën ritmet e hapave të flamengos të ftuar janë grupi katalan ‘Alba Rumbetta band’.

Përderisa, në po këtë natë ‘Te Pazari i vjetër’ në ora 21:30 do të mbahet koncerti ‘La Notte Italiana’, kushtuar lirikës më të bukur italiane, në të cilën do të perfomojë Orkestra e Forcave të Armatosura, nën drejtimin e maestros Elda Laro. Të ftuar në këtë koncert do të jenë: Nina Muho, Guissepse Pelligra dhe Artur Vera.

Ndërsa në natën e tretë dhe përmbyllëse të festivalit, në Mbroje do të mbahet “Ku bashkohet shpirti, muzika dhe gastronomia”, ku e ftuar do të jetë Dorina Selimaj, Artur Vera, Ingrid Pulizo,

Përderisa në Drenovë, në ora 19:00 do të mbahet koncerti përmbyllës ‘Një ditë shkova nga Drenova’, ku të ftuar janë Ionela Mani nga Rumania, Gjergj Mani dhe Igli Tugla. Në natën përmbyllëse paralajmërohen edhe surpriza të tjera, por që do të lihen befasi deri më 30 korrik.