E ndjera Tina Turner do të nderohet në qytetin e Nju Jorkut në spektakolarin e 4 korrikut të Macy's Fireworks, muajin e ardhshëm.

Turner, e lindur si Anna Mae Bullock, ndërroi jetë në moshën 83-vjeçare muajin e kaluar pas një beteje të gjatë me sëmundjet, duke përfshirë kancerin e zorrëve dhe problemet me veshkat.

Sipas The Hollywood Reporter - Ashanti, Bebe Rexha, Ja Rule, Jelly Roll, Lainey Wilson, LL Cool J me DJ Z-Trip dhe The Roots do të performojnë gjithashtu në edicionin e 47-të të eventit vjetor. Ai do të drejtohet nga yjet televizivë amerikanë Rutledge Wood dhe Zuri Hall.

"Çdo vit ky transmetim i jashtëzakonshëm televiziv arrin të frymëzojë audiencën, duke ndriçuar horizontin e Nju Jorkut me një shfaqje fishekzjarre të paharrueshme ", tha Jen Neal, nënkryetare ekzekutive, ngjarje live dhe speciale, argëtuese dhe transmetime NBCUniversal.