Çizmet me një dizajn të veçantë dolën në shitje dhe paraqesin personazhet Teletubbies.

Sipas medieve të huaja, përcjell Telegrafi, stilisti britanik me bazë në New York, Christian Cowan ka prezantuar çizmet me personazhin e Teletubbies, Dipsy.

Çizmet me ngjyrë të gjelbër dhe me taka të larta me trupin e personazhit sigurisht që kanë bërë bujë në botën e modës – dhe disa thjesht nuk dinë se si të ndihen.

“Përkuluni në prani të madhështisë”, shkruan një adhurues, ndërsa një tjetër përsëriti: “Nuk është dëshirë, por është nevojë t’i kem”.

Disa i pritën me mëdyshje.

Katër personazhet legjendarë janë një qendër të vëmendjes për një koleksion prej pesë pjesësh që “feston dashurinë e [Cowan] për Teletubbies”.