Dy super përballje do të zhvillohen ditën e sotme, me kryendeshjen që zhvillohet në Therandë.

Ballkani dhe Drita premtojnë spektakël në takimin e tyre, me të dy skuadrat që janë në krye të tabelës dhe ndahen në vetëm dy pikë.

Pikët e kësaj ndeshje kanë vlerë të madhe në garën për titullin kampion, andaj edhe të dy klubet janë përgatitur fortë. Kjo do të jetë ndeshja e 17-të në ndeshjet zyrtare të Ballkanit dhe Dritës. Në 16 ndeshjet e mëparshme, Ballkani ka shtatë fitore, Drita i ka pesë ndërsa katër ndeshje janë mbyllur në barazim.

Një takim shumë interesant pritet të jetë edhe ai mes Gjilanit dhe Prishtinës, atje ku Ismet Munishi do të përballet me ish skuadrën e tij.

Të dy ndeshjet luhen në ora 13:00.