Rekrutët e rinj të Forcës së Sigurisë së Kosovës (FSK) do të japin sot betimin solemn në një ceremoni zyrtare që do të mbahet në Kazermën “Adem Jashari” në Prishtinë.

Ceremonia do të nisë në orën 15:00, ku të pranishëm do të jenë përfaqësues të lartë të institucioneve shtetërore, si dhe zyrtarë e eprorë të Ministrisë së Mbrojtjes dhe FSK-së.

Përmes këtij akti solemn, rekrutët e rinj zotohen zyrtarisht për t'i shërbyer vendit dhe për të përmbushur detyrat e tyre ushtarake me përkushtim e përgjegjësi.