Në këtë projekt, Smith luan rolin e një agjenti të FBI-së, i cili heton një vrasje komplekse brenda një burgu të sigurisë së lartë. Përveç Smith, në film luajnë edhe aktorë të njohur si AnnaSophia Robb, Jason Clarke, Jaafar Jackson dhe Melissa Leo.

E drejta e transmetimit të filmit është blerë nga "Amazon MGM Studios" për shumën e 70 milionë dollarëve. Ndonëse bëhet fjalë për një prodhim madhor me buxhet të lartë, "Supermax" nuk do të shfaqet në kinema, por do të lansohet direkt në platformën digjitale Prime Video.