Përzgjedhësi i Izraelit, Ran Ben Shimon, ka publikuar listën me 27 futbollistë për katër ndeshjet e radhës në Ligën e Kombeve. Në mesin e tyre është edhe përballja me Kosovën, e cila do të zhvillohet më 1 tetor në Debrecen të Hungarisë.

Në listë janë emra të njohur si Daniel Peretz, Omri Glazer, Eli Dasa, Oscar Gloukh, Manor Solomon, Dor Peretz, Tai Baribo dhe Liel Abada. Në grumbullim është përfshirë edhe 18-vjeçari Noam Shteifman i Maccabi Haifës, ndërsa Izraeli para ndeshjes me Kosovën do të përballet me Austrinë dhe Irlandën.