Çdo herë që dikush pi duhan, presioni i gjakut rritet përkohësisht, pasi nikotina aktivizon sistemin nervor simpatik dhe nxit lëshimin e adrenalinës. Kjo bën që zemra të punojë më fort dhe enët e gjakut të ngushtohen. Presioni sistolik mund të rritet 10-25 mmHg(milimetra merkur (njësia matëse që përdoret për të shprehur presionin e gjakut) dhe ai diastolik 6-12 mmHg, duke u kthyer në normalitet brenda 1-2 orësh pas ndalimit të duhanit.

Ndërsa efekti afatshkurtër është i qartë, studimet tregojnë se ndikimi afatgjatë në presionin mesatar mbetet i paqartë, megjithëse duhanpirja lidhet me rritjen e ritmit të pulsit në qetësi. Personat me hipertension ekzistues përballen me rrezik më të lartë për forma të rënda të sëmundjes.

Të gjitha format e duhanit - cigaret elektronike, duhani për përtypje, purot - rrisin presionin dhe ritmin e zemrës. Në të kundërt, ndalimi i duhanit ul presionin, veçanërisht tek hipertensivët, dhe sjell përfitime të tjera shëndetësore.

Për parandalim, ekspertët rekomandojnë ushqim të shëndetshëm, aktivitet fizik të rregullt, kufizim të kripës dhe alkoolit, si dhe kontrolle mjekësore periodike. Për duhanpirësit hipertensivë, mjekët mund të rekomandojnë medikamente specifike si beta-bllokues ose bllokues të kanaleve të kalciumit, gjithmonë nën këshillim mjekësor.