Snapchat ka njoftuar ndryshime në mënyrën se si rekomandohet përmbajtja në seksionin Spotlight, duke kufizuar dukshmërinë e videove të krijuara tërësisht me inteligjencë artificiale. Sipas kompanisë, këto video nuk do të rekomandohen më, me synimin për të reduktuar përmbajtjen me cilësi të ulët dhe të përsëritur që është shtuar ndjeshëm muajt e fundit.

Megjithatë, videot që përdorin AI vetëm për përmirësime ose editime do të vazhdojnë të shfaqen dhe do të mbajnë etiketat përkatëse që tregojnë përdorimin e teknologjisë. Snapchat thekson se mbështet inteligjencën artificiale si mjet krijues, por synon të frenojë fenomenin e njohur si "AI slop", në një kohë kur gjithnjë e më shumë përdorues kërkojnë përmbajtje më autentike dhe me cilësi më të lartë.