Nicole Kidman është rikthyer në qendër të vëmendjes së mediave rozë pasi u fotografua në shoqërinë e biznesmenit amerikan Michael Reinstein, duke nxitur spekulime për një lidhje të mundshme mes tyre. Aktorja 59-vjeçare u pa në Los Angeles, ku Reinstein e priti në aeroport pas kthimit të saj nga New York-u, ndërsa më pas të dy u larguan me Ferrarin e zi të investitorit. Kjo nuk është hera e parë që ata shfaqen së bashku, pasi në fillim të korrikut u fotografuan edhe gjatë pushimeve në Portofino të Italisë.

Paraqitjet e përbashkëta vijnë disa muaj pas raportimeve për ndarjen e Kidman nga këngëtari Keith Urban, me të cilin ishte e martuar për gati dy dekada. Burime pranë aktores thonë se ajo po përjeton një kapitull të ri në jetën personale, duke u fokusuar te familja dhe mirëqenia e saj. Megjithatë, as Nicole Kidman dhe as Michael Reinstein nuk kanë komentuar zyrtarisht mbi aludimet, ndaj natyra e marrëdhënies së tyre mbetet ende e pakonfirmuar.