Ish-portieri i njohur austriak, Alexander Manninger, ka ndërruar jetë në moshën 48-vjeçare pas një aksidenti të rëndë rrugor ku makina e tij është përplasur nga një tren pranë Salzburgut.

Sipas mediave ndërkombëtare, incidenti ka ndodhur në një kalim hekurudhor lokal dhe ka rezultuar fatal për ish-futbollistin.

Manninger ka qenë një nga portierët më të njohur austriakë të brezit të tij dhe i pari që ka luajtur për Arsenal F.C.. Me klubin anglez ai fitoi Premier League dhe FA Cup në sezonin 1997/98.

Gjatë karrierës së tij, ai ka mbrojtur portën edhe për klube si Juventus, Fiorentina, Torino, Siena, Red Bull Salzburg, Augsburg dhe Liverpool, duke lënë gjurmë në futbollin evropian.

Me kombëtaren e Austrisë, Manninger ka regjistruar 33 paraqitje ndërkombëtare.