Studimi, i publikuar çdo vit në kuadër të Kombet e Bashkuara për Ditën Ndërkombëtare të Lumturisë më 20 mars, thekson se përdorimi intensiv i rrjeteve sociale është një ndër faktorët që ndikon në këtë trend.

Të rinjtë që kalojnë më shumë se pesë orë në ditë në rrjete sociale raportojnë nivele më të ulëta të mirëqenies, përfshirë më shumë stres, ankth dhe krahasime negative me të tjerët. Sipas studiuesve, efekti nuk lidhet vetëm me kohën e kaluar online, por edhe me mënyrën e përdorimit dhe ndikimin e rrethit shoqëror.

Raporti sugjeron se përdorimi i moderuar, rreth një orë në ditë, si dhe forcimi i lidhjeve në jetën reale, mund të ndihmojnë në përmirësimin e mirëqenies tek të rinjtë.