Ebrahim Jabbari, këshilltar i komandantit të Gardës Revolucionare Islamike të Iranit, deklaroi në televizionin shtetëror se anijet “nuk duhet të vijnë në këtë rajon” dhe do të përballen me “përgjigje serioze”.

Ngushtica e Hormuzit është jetike për ekonominë globale, pasi rreth 20% e naftës dhe gazit botëror kalon përmes saj. Pas sulmeve të fundit ndaj disa anijeve, transporti në këtë zonë është ndërprerë, duke nxitur rritje të menjëhershme të çmimeve në tregjet ndërkombëtare.

Nafta Brent u rrit me mbi 3% duke kaluar pragun prej 80 dollarësh për fuçi, ndërsa edhe çmimi i naftës së tregtuar në SHBA shënoi rritje. Kostoja për marrjen me qira të një supertankeri nga Lindja e Mesme drejt Kinës arriti mbi 400 mijë dollarë, pothuajse dyfish më shumë se javën e kaluar, sipas të dhënave të London Stock Exchange Group.

Presidenti amerikan Donald Trump pritet të zhvillojë takime me zyrtarë të lartë ekonomikë, ndërsa sekretari i Shtetit Marco Rubio ka paralajmëruar njoftimin e masave për të adresuar rritjen e kostove të energjisë.