Kosova me një tjetër emër në skenën olimpike: Drin Kokaj hyn sot në garë në Milano Cortina 2026

Pas prezantimeve të para olimpike nga Kiana Kryeziu, delegacioni i Kosovës në Lojërat Olimpike Dimërore Milano Cortina 2026 zgjerohet edhe me një tjetër sportist.

Sot është dita e debutimit olimpik për Drin Kokaj, i cili do të garojë në disiplinën e skijimit alpin, konkretisht në sllallom. Kjo paraqitje shënon hapin e tij të parë në arenën më prestigjioze të sporteve dimërore.

Gara është planifikuar të nisë në orën 10:00, ndërsa Kokaj synon të paraqitet me dinjitet dhe të përfaqësojë Kosovën në nivelin më të lartë ndërkombëtar.

Pjesëmarrja e tij vlerësohet si një moment domethënës për sportin kosovar, duke konfirmuar vazhdimësinë e pranisë së Kosovës në ngjarje madhore olimpike dhe zhvillimin e sporteve dimërore në vend.