Krerët e Federatës së Futbollit të Kosovës (FFK) – presidenti Agim Ademi, nënkryetari i parë Bakir Burri dhe sekretari Markus Weidner – morën pjesë në Kongresin e 50-të të UEFA-s të mbajtur në Bruksel.

Ky kongres mblodhi përfaqësuesit e federatave anëtare për të diskutuar çështje strategjike dhe administrative që lidhen me zhvillimin e futbollit evropian. Në kuadër të punimeve u miratuan ndryshime në statutin e UEFA-s, raporti financiar dhe buxheti për vitin 2026, si dhe u konfirmua përbërja e komiteteve të UEFA-s, të cilat kanë rol kyç në drejtimin e futbollit në kontinent.