Këngëtarja, aktorja dhe producentja Selena Gomez, përpara Ditës Botërore të Shëndetit Mendor më 10 tetor, ndan për CNN arsyet pse angazhimi për mirëqenien mendore është kaq i rëndësishëm për të dhe si e lidhi këtë me linjën e saj të bukurisë, Rare Beauty.

Gomez tregon se rritja në sy të publikut dhe presioni për të qenë e përkryer e bënë të përballet me sfida personale mendore, duke përfshirë ankthin dhe depresionin. Ajo thekson rëndësinë e transparencës, terapive dhe distancimit nga rrjetet sociale për të ruajtur shëndetin mendor.

“Unë nuk kam nevojë për make-up për të ndjerë veten të bukur,” thotë ajo, duke shpjeguar se Rare Beauty synon të krijojë një hapësirë të sigurt ku çdo person mund të përdorë sa make-up dëshiron, duke sfiduar standardet e bukurisë dhe duke festuar unikësinë.

Përveç linjës së kozmetikës, Gomez ka nisur Rare Impact Fund, një fond për të reduktuar stigmatizimin e problemeve mendore dhe për të ofruar burime dhe shërbime për komunitetet e pambrojtura, me synimin e mbledhjes së 100 milionë dollarëve në 10 vitet e ardhshme.

“Ne të gjithë duhet të pranojmë unikitetin tonë, të ndalojmë krahasimet dhe të duam më shumë veten,” përfundon Gomez.