Një portret funerari nga Egjipti Romak, që tregon një burrë me pamje moderne dhe sy të gjelbër-hazel, u shit për 889,000 dollarë gjatë ankandit të Sotheby’s në Nju Jork, më shumë se dyfish i vlerës së lartë të parashikuar.

Portreti i punuar me encaustic – bojë dhe dyll i nxehtë mbi dru – i përket serisë së portreteve Fayum, të krijuara midis shekullit I dhe III pas Krishtit, që vendoseshin mbi mumjet e të vdekurve. Ekspertët e vlerësuan realizmin dhe aftësinë për të transmetuar emocione, duke e krahasuar me punën e mjeshtrave italianë shekuj më vonë.

Ky portret dallon për moshën e subjektit dhe prezencën e fortë vizuale, duke ofruar një pamje të rrallë në artin e Egjiptit dhe Romës së lashtë.