John Cena do të jetë protagonist në filmin aksion “Matchbox”, adaptim i linjës ikonike të lodrave nga Mattel, i cili do të debutojë globalisht në Apple TV më 9 tetor 2026.

Filmi tregon historinë e Sean, një agjent CIA, i cili kthehet në qytetin e tij pas një misioni të dështuar dhe përfshin shokët e tij të fëmijërisë në një mision për të shpëtuar botën. Në kastin e aktorëve përveç Cena-s janë Jessica Biel, Sam Richardson, Arturo Castro, Teyonah Parris, Danai Gurira dhe Corey Stoll.

Drejtuar nga Sam Hargrave, regjizori i njohur nga franchaiza “Extraction”, filmi ofron një kombinim të aksionit të vërtetë praktik dhe spektaklit me shumë automjete në skena të ndryshme – nga garat e makinave deri tek misionet tërheqëse në qytet.

“Matchbox” është pjesë e strategjisë së Mattel Films për të sjellë lodrat e tyre ikonike në ekran, pas suksesit të filmit “Barbie”, dhe synon të ofrojë aksion dhe aventurë për adoleshentët dhe të rriturit që rritën me markën Mattel.