Tre vjet pas anulimit të serialit NCIS: Los Angeles, aktoret Daniela Ruah dhe Natalia del Riego po rikthehen së bashku në një projekt të ri filmik. Dyshja do të luajë në filmin misterioz “…And Then She Was Gone”, xhirimet e të cilit pritet të nisin në vjeshtën e vitit 2026.

Filmi bazohet në romanin The Moonlight Child të autores Karen McQuestion dhe ndjek historinë e Nikit, një vajzë 19-vjeçare, ish-fëmijë në kujdestari, e cila përballet me një të vërtetë tronditëse pasi vëren një vajzë misterioze në shtëpinë fqinje.

Regjia i është besuar Tawnia McKiernan, ndërsa skenari është shkruar nga Justin Kohlas, i njohur për punën e tij në NCIS: Los Angeles. Daniela Ruah, e cila interpreton një nga rolet kryesore, është gjithashtu producente ekzekutive e filmit.

Projekti po prodhohet nga Christian Hall, me disa producentë ekzekutivë të përfshirë, ndërsa pritet të jetë një thriller psikologjik me elemente suspense. Ribashkimi i dy aktoreve ka ngjallur interes të madh te fansat e serialit dhe dashamirët e filmave misteriozë.