Këngëtarja konfirmoi pjesëmarrjen e saj duke ripostuar njoftimin zyrtar për ngjarjen që do të mbahet të mërkurën në Washington, DC, në X. Samiti, ku do të jenë folës kryesorë Donald Trump dhe Sekretari i Thesarit Scott Bessent, prezanton programin e ri qeveritar për kursimet personale të pensionit, i krijuar sipas ligjit One Big Beautiful Bill Act.

Minaj shprehu entuziazmin për të ndarë skenën me të ftuarit e tjerë, përfshirë aktorin Kevin O’Leary, Cheryl Hines dhe senatorin Ted Cruz. Ajo theksoi rëndësinë e edukimit financiar për fëmijët dhe tha se kjo mund t’u japë një avantazh të madh në jetë, madje duke i mësuar prindërit e tyre për investimet.

Këngëtarja 12 herë e nominuar për Grammy ka mbështetur vazhdimisht politikat e Trump, pavarësisht kritikave dhe poashtu një peticioni që kërkonte deportimin e saj. Minaj, e lindur në Trinidad dhe Tobago, ka pranuar se nuk është qytetare amerikane, megjithëse ka jetuar në SHBA që nga mosha pesë vjeç dhe ka paguar miliona dollarë taksa.