Netflix ka publikuar trailerin e filmit të ardhshëm “Apex”, një thriller i tensionuar që zhvillohet në natyrën e egër australiane. Protagoniste është Charlize Theron, ndërsa Taron Egerton luan rolin e një vrasësi serial të pamëshirshëm.

Filmi ndjek historinë e një gruaje që kërkon paqe pas një humbjeje, por bëhet shënjestër e një gjuetie të rrezikshme. Regjisori Baltasar Kormakur dhe skenaristi Jeremy Robbins e kanë përshkruar projektin si një përvojë që i çon aktorët në kufijtë fizikë dhe mendorë.

Theron ka zbuluar se xhirimet ishin ndër më të vështirat e saj, duke thënë se ka realizuar skena të rrezikshme me një gisht të thyer, madje akrobacitë i tejkaluan ato të filmit The Old Guard 2.

 “Apex” pritet të publikohet në Netflix më 24 prill 2026.