Shakira ka befasuar fansat me një kompliment të papritur për ish-partnerin e saj, Gerard Pique, tre vite pas ndarjes së tyre.

Në një intervistë për programin argjentinas “Por el mundo”, artistja foli për procesin e saj të shërimit emocional pas ndarjes dhe si e ka kthyer dhimbjen në muzikë, duke e përshkruar këtë si një ‘transformim’ që i mundësoi të lidhej më thellë me audiencën.

Ajo gjithashtu reflektoi mbi rolin e saj si nënë, duke thënë se djemtë e saj e duan thjesht “nënën me pizhama”.

Pjesa që befasoi më shumë ishte vlerësimi për Pique: “Edhe babai i tyre, të jem e drejtë, është shumë i disiplinuar. Nuk mund të kesh sukses në asnjë profesion pa disiplinë.” Me këtë koment, Shakira njohu kontributin e ish-partnerit te fëmijët dhe tregoi një qasje më të pjekur ndaj marrëdhënies së tyre të kaluar.