Kosova ndalon importin e shpezëve nga Hungaria pas përhapjes së gripit të shpezëve H5N1

Vendi | 06.11.2025 Ora 7:56

Agjencia e Ushqimit dhe Veterinarisë së Kosovës (AUV) ka njoftuar se pas raportimeve të Organizatës Botërore për Shëndetin e Kafshëve (WOAH) dhe të Komisionit Evropian, në Hungari është konfirmuar prania e gripit të shpezëve (H5N1) me patogjenitet të lartë.

Si masë parandaluese, AUV ka ndaluar importin e shpezëve të gjalla dhe produkteve të tyre që vijnë nga zonat e infektuara, përveç rasteve kur ato vijnë nga ferma të sigurta të paktën 50 kilometra larg zonës së prekur.

Kjo ndalesë hyn në fuqi menjëherë dhe do të mbetet aktive deri në vlerësimin e mëtejshëm të situatës nga autoritetet ndërkombëtare dhe vendore.
AUV thekson se po e monitoron nga afër situatën epidemiologjike dhe do të informojë publikun për çdo zhvillim të ri.