Seanca Fillestare ndaj Jelena Gjukanoviq
Sot në orën 09:00, në Gjykatën Themelore të Prishtinës mbahet seanca fillestare për Jelena Gjukanoviq, e akuzuar për spiunazh ndaj Republikës së Kosovës. Prokuroria pretendon se Gjukanoviq ka marrë dhe shpërndarë dokumente dhe informacione të konsideruara të ndjeshme, në interes të Agjencisë së Inteligjencës së Serbisë (BIA).

Takimi Osmani–Valtonen
Presidentja e Kosovës, Vjosa Osmani, pret sot Ministren e Punëve të Jashtme të Finlandës dhe Kryesuese të OSBE-së, Elina Valtonen, në një takim që fillon në orën 09:20 në Kabinetin e Presidentes.

Konferencë për Media – Kryetari i Prishtinës
Në orën 10:00, kryetari i Prishtinës, Përparim Rama, do të flasë përpara mediave në Sallën e Kuqe të Pallatit të Rinisë.

Konferenca Rajonale për Fuqizimin e Grave Rurale
Nga ora 10:00 deri në 16:00 mbahet në Hotel Emerald Konferenca Rajonale për Fuqizimin e Grave Rurale në Ballkanin Perëndimor.

Konferencë për Media me Kryesuesen e OSBE-së
Elina Valtonen, ministre e Punëve të Jashtme e Finlandës dhe kryesuese e OSBE-së, jep konferencë për media në ora 11:30.

Ceremonia e Hapjes së Javës Evropiane të Lëvizshmërisë
Ora 12:10 në Rektoratin e Universitetit të Prishtinës do të zhvillohet ceremonia hapëse e Javës Evropiane të Lëvizshmërisë.

Konferenca Rajonale “Fuqizimi i grave dhe komuniteteve që jetojnë në Kosovën rurale”
Në Hotel Emerald, në ora 15:30, organizata EcoKosWomen organizon këtë konferencë me fokus në mbështetjen dhe fuqizimin e grave dhe komuniteteve rurale.

Forumi Rinor i Ballkanit Perëndimor 2025
Në ora 17:00, Forumi Rinor zhvillohet në Klan Arena, duke sjellë së bashku të rinj nga e gjithë rajoni për diskutime, ide dhe bashkëpunim.