Sindikata e Sektorit Privat paralajmëron ndalje të punës nëse nuk rriten pagat

Vendi | 01.08.2025 Ora 7:51

Kryetari i Sindikatës së Sektorit Privat të Kosovës, Jusuf Azemi, ka reaguar ndaj vendimit për rritjen prej 55 euro të pagave për shërbyesit publikë, duke thënë se ky vendim është i padrejtë për faktin se përjashton punëtorët e sektorit privat që punojnë për institucione shtetërore përmes kompanive të kontraktuara.

Ai tha për Ekonomia Online se ndonëse bëjnë të njëjtën punë, në të njëjtin vend, një pjesë e punëtorëve do të marrin rritje, ndërsa të tjerët jo. Azemi theksoi se nëse deri në muajin shtator nuk aprovohet kërkesa për rritje prej 110 eurosh edhe për këta punëtorë, do të ndërmerren hapa konkretë, përfshirë ndalimin e punës në institucionet që financohen nga buxheti i shtetit dhe i komunave.

“E kemi paralajmëruar këtë padrejtësi dhe nuk do të qëndrojmë duarkryq,” tha Azemi.