Cardi B është akuzuar për sulm dhe dhunë nga një grua, ndaj së cilës dyshohet se ka hedhur një mikrofon gjatë një feste ditore në Drai's Beachclub në Las Vegas, dy vite më parë.

Paditësja, e identifikuar vetëm si Jane Doe nga Ohio, ka ngritur padi ndaj reperes për incidentin e vitit 2023.

Raportohet se Cardi B kishte kërkuar nga publiku t’i hidhte ujë për shkak të temperaturave të larta, që kishin arritur mbi 30°C. Doe thotë se kur ajo hodhi ujë drejt reperes – ashtu si edhe disa të tjerë në turmë – artistja reagoi duke i hedhur mikrofonin.
Gruaja e ka paditur këngëtaren duke pretenduar se ajo “e ka tepruar” dhe e ka lënduar.

Ngjarja, e cila u regjistrua në disa video dhe u shpërnda gjerësisht në rrjetet sociale, u hetua nga policia në atë kohë, por ndaj Cardi B nuk u ngrit asnjë akuzë.

Mikrofoni i përdorur në incident u shit pak kohë më pas për 99,000 dollarë, gjë që Doe pretendon se “ia ka shtuar stresin emocional”. Të ardhurat nga shitja u ndanë për dy organizata bamirësie: Wounded Warrior Project dhe Friendship Circle Las Vegas.

Avokatja e Doe, Cierra N. Norris, pritet të mbajë një konferencë për shtyp në Las Vegas më vonë gjatë ditës së sotme.