Ndaloi një sulm të mundshëm në një kishë me veturën e tij F-150, burri në Michigan mori një të re si shpërblim

Të Tjera | 16.07.2025 Ora 16:40

Një burrë nga Michigan, Richard Pryor, ka shpëtuar dhjetëra jetë duke parandaluar një sulm të mundshëm në një kishë të mbushur me besimtarë. Teksa po shkonte me vonesë në shërbesën e së dielës në Crosspointe Community Church, ai vërejti një burrë të armatosur që po afrohej drejt ndërtesës dhe reagoi menjëherë duke e përplasur me kamionin e tij, duke i pamundësuar hyrjen në kishë.

Sulmuesi, Brian Anthony Browning, qëlloi mbi makinën e Pryor, por më pas u neutralizua nga një anëtar i sigurisë. Si shenjë mirënjohjeje, një koncesionar lokal i dhuroi Pryor-it një Ford F-150 të ri, pasi ai kishte mbetur pa makinë pas incidentit. Në një konferencë për shtyp, Pryor falënderoi Zotin dhe komunitetin, duke thënë: “Nuk isha duke menduar, thjesht veprova – ishte dora e Zotit.”