Katastrofë në Nju Jork, përmbytje në metro

Bota | 15.07.2025 Ora 10:24

Shira të rrëmbyeshëm goditën zonën Tri-State të hënën në mbrëmje, duke përmbytur disa stacione të metrosë në New York City dhe duke shkaktuar kaos në qarkullimin urban.

Udhëtarët mbetën të bllokuar për orë të tëra, pasi linjat 1, 2 dhe 3 në Manhattan u ndërprenë për shkak të përmbytjeve. Paralajmërimet për përmbytje të menjëhershme u dhanë pasi sistemi i kanalizimeve nuk përballoi sasinë e ujit.

Pamjet nga stacioni në 28th Street tregonin ujë që shpërthente nga kanalet, ndërsa Penn Station (34th Street) u përball me pellgje të mëdha uji që detyruan pasagjerët të lëviznin me kujdes mes rrëmujës.

Shumë qytetarë shprehën zhgënjimin dhe zemërimin e tyre për gjendjen e kanalizimeve në qytet, duke e quajtur situatën të pasigurt dhe të papranueshme.