7% e amerikanëve besojnë se qumështi i çokollatës vjen nga lopët ngyrë kafe – një gabim i përhapur që bën bujë

Kuriozitete | 14.07.2025 Ora 10:25

Një studim i fundit zbuloi se rreth 7% e të rriturve amerikanë, që përkthehet në rreth 17.3 milionë njerëz, besojnë gabimisht se qumështi i çokollatës prodhohet nga lopët kafe.

Kjo shifër u nxor nga një sondazh online i kryer nga Innovation Center for U.S. Dairy, pjesë e fushatës edukative “Undeniably Dairy” për promovimin e produktëve të qumështit dhe edukimin ushqimor.

Në të njëjtën anketë, u zbulua gjithashtu se 95% e amerikanëve kanë të paktën një lloj djathi në frigorifer, dhe një në katër kanë shkuar në dyqan para orës 6 të mëngjesit vetëm për qumësht.

Megjithëse rezultati për qumështin e çokollatës bëri bujë, organizatorët e fushatës e pritën me humor dhe theksuan nevojën për arsim më të mirë në lidhje me ushqimin që konsumojmë.

Për ata që ende dyshojnë: po, mund ta përgatisni qumështin e çokollatës në shtëpi, dhe jo, ai nuk vjen direkt nga lopët – pavarësisht ngjyrës së tyre!