Një dokumentar me dy pjesë mbi jetën dhe karrierën e Billy Joel do të publikohet më vonë këtë vit.

Projekti i titulluar Billy Joel: And So It Goes do të shfaqet në HBO dhe në platformën Max këtë verë, sipas njoftimit të Warner Bros. Discovery.

 I drejtuar nga Susan Lacy dhe Jessica Levin, dokumentari sjell një portret të gjerë të kantautorit legjendar, duke eksploruar dashurinë, humbjet dhe sfidat personale që kanë ndikuar në muzikën e tij.

Ai përmban pamje të papublikuara, filma familjarë dhe intervista ekskluzive.

Tom Hanks dhe Sean Hayes janë producentë ekzekutivë të projektit, ndërsa ky i fundit e quajti dokumentarin një homazh për një nga idhujt e tij muzikorë.

Lajmi vjen pasi Billy Joel njoftoi një shtyrje katërmujore të turneut të tij për arsye shëndetësore. Turneu Billy Joel in Concert do të rifillojë më 5 korrik në Pittsburgh.