Lady Gaga ka njoftuar katër koncerte në Britaninë e Madhe si pjesë e turneut të saj ‘The MAYHEM Ball Tour’.

Ajo do të performojë në O2 Arena, Londër, më 29, 30 shtator dhe 2 tetor, dhe më pas në Co-op Live, Manchester, më 7 tetor. Turneu do të përfshijë edhe qytete të tjera si Las Vegas, New York, Miami, Toronto, Paris, Berlin dhe shumë të tjera. Ndërkohë, Gaga do të mbajë një koncert madhështor në Copacabana Beach, Rio de Janeiro, më 3 maj, duke ndjekur gjurmët e Madonnës.

Albumi i saj i ri ‘Mayhem’, përmban hitet ‘Disease’, ‘Die with a Smile’ ft. Bruno Mars dhe ‘Abracadabra’, dhe është një tribut për dashurinë e saj ndaj muzikës dhe stileve të ndryshme.

 Biletat për koncertet në Britani dalin në shitje më 3 prill në Ticketmaster.co.uk.