Sot bëhen 25 vjet nga lançimi i PlayStation 2 në Japoni, konsolës që dominoi gjeneratën e saj dhe shënoi një kthesë historike në botën e lojërave.

Me 160 milionë njësi të shitura, PS2 e shtyu Sega jashtë tregut të pajisjeve harduerike dhe la pas Xbox-in, duke mbetur relevante edhe gjatë epokës së PS4.

E lançuar në një kohë kur lojërat po kalonin nga 2D në 3D, PS2 përfitoi nga kjo risi dhe erdhi me një line-up mbresëlënës, përfshirë Dynasty Warriors 2, TimeSplitters dhe Midnight Club, duke treguar grafika të paparë më parë në një konsol shtëpiak.

Përveç shitjeve rekord, PS2 solli përvoja ikonike, zgjeroi zhanret dhe ndikoi në krijimin e franshizave që sot janë emra të mëdhenj në botën e lojërave. Trashëgimia e saj mbetet e pathyeshme, duke formësuar gaming-un modern që njohim sot.