Greqia ka kryesuar renditjen botërore të destinacioneve të preferuara për muajin e mjaltit luksoz për vitin 2027, duke lënë pas Balin, Maldivet, Italinë dhe Polinezinë Franceze. Sipas raportit vjetor Luxe Report të rrjetit ndërkombëtar të udhëtimeve luksoze Virtuoso, renditja bazohet në vlerësimet e më shumë se 3.100 këshilltarëve të udhëtimit në mbarë botën. Privatësia, akomodimet ekskluzive, jahtet private dhe shërbimet e personalizuara po ndikojnë gjithnjë e më shumë në zgjedhjet e turistëve me të ardhura të larta. Megjithatë, në renditjen e përgjithshme për turizmin luksoz, Greqia zë vendin e katërt, pas Japonisë, Italisë dhe Francës. Raporti parashikon gjithashtu rritje të kërkesës dhe shpenzimeve për udhëtime luksoze gjatë vitit 2027.