Bill Gates ka propozuar që kompanitë që zëvendësojnë punëtorët me robotë dhe inteligjencë artificiale të paguajnë taksa të ngjashme me ato që lidhen me punësimin e njerëzve. Në një intervistë për “The New York Times”, Gates sugjeroi që për një “njësi pune” të aplikohej e njëjta taksë FICA, pavarësisht nëse puna kryhet nga një njeri apo një robot. Sipas tij, një sistem i tillë do të krijonte të ardhura për qeverinë dhe një rrjet sigurie financiare për njerëzit që humbin vendet e punës për shkak të automatizimit. Gates ka paralajmëruar edhe më herët se zhvillimi i inteligjencës artificiale dhe robotikës mund të ndikojë ndjeshëm në shumë vende pune, veçanërisht në profesionet administrative dhe të kualifikuara.