Aktori dhe regjisori francez Arnaud Denis ka vdekur më 22 shtator, në moshën 43-vjeçare, në Belgjikë, pas një periudhe të gjatë me probleme të rënda shëndetësore që nisën pas një ndërhyrjeje kirurgjikale në vitin 2023. Ai kishte pretenduar se komplikimet pas vendosjes së një implanti për hernie kishin ndikuar rëndë në shëndetin dhe jetën e tij. Denis kishte ndërmarrë edhe hapa ligjorë për të kërkuar përgjegjësi, por një hetim fillestar u mbyll për mungesë provash të mjaftueshme. Para se gjendja shëndetësore t’ia ndërpriste karrierën, ai ishte një emër i njohur i teatrit francez, si aktor, regjisor dhe themelues i kompanisë “Les Compagnons de la chimère”.