Kosova ka importuar barna mjekësore në vlerë prej 101.06 milionë eurosh gjatë periudhës janar–korrik 2026.

Sipas të dhënave të Doganës së Kosovës, të analizuara sipas kodeve tarifore 3003 dhe 3004, pesha neto e këtyre importeve ka arritur në rreth 2.85 milionë kilogramë, ose afërsisht 2,850 tonë.

Prilli ishte muaji me importin më të lartë, me barna në vlerë prej 18.41 milionë eurosh. Pas tij renditen shkurti me 16.86 milionë euro, qershori me 14.64 milionë, maji me 14.27 milionë, korriku me 13.76 milionë, marsi me 13.43 milionë dhe janari me 9.69 milionë euro.

Pjesa më e madhe e importeve, rreth 89.94 milionë euro, i përket kategorisë së barnave të dozuara për shitje me pakicë, sipas përshkrimit në dataset.

Ndër shtetet kryesore prej të cilave janë importuar barnat gjatë kësaj periudhe janë Gjermania me rreth 9.93 milionë euro, Sllovenia me 9.84 milionë, Shtetet e Bashkuara me 9.63 milionë, Italia me 8.95 milionë dhe Turqia me 8.73 milionë euro. Në dhjetëshen e parë përfshihen edhe India, Austria, Maqedonia e Veriut, Mbretëria e Bashkuar dhe Serbia.

Sipas të dhënave të deklaruara, nga këto importe janë mbledhur rreth 6.62 milionë euro TVSH.

Shifrat paraqesin vlerën e mallrave të deklaruara në import dhe jo çmimin e shitjes së barnave në tregun e Kosovës.